Tre ushtarë amerikanë janë vrarë në provincën Nangarhar të Afganistanit, bëri të ditur Pentagoni. Tre ushtarët vdiqën nga plagët me armë zjarri më 10 qershor, ndërsa rasti është duke u hetuar, thuhet në njoftim. Të tre ata kanë qenë pjesë e Divizionit të 101-të Ajror, me seli në Kentaki. Në Uashington, zëdhënësi i Shtëpisë së Bardhë, Sean Spicer, tha se incidenti është duke u hetuar dhe shprehu ngushëllime për familjet e, siç u shpreh ai, këtyre heronjve amerikanë.