Një burrë u lirua nga burgu pasi kaloi plot 32 vite gabimisht në burg. Ai ishte dënuar me 115 vite dënim, mirëpo u lirua në vitin 2009 pasi ADN-ja e vërtetoi pafajësinë e tij. Ngjarja ka ndodhur në Tenese të Amerikës, dhe ai tani po zhvillon një betejë ligjore e cila mund ti sigurojë atij 1 milionë dollarë dëmshpërblim. Mirëpo,tani ironikisht atij iu dhanë vetëm 75 dollarë, apo 71 euro.
Lawrence McKinney, tani 60-vjeçar, u dënua për dhunim në vitin 1978, shkruan gazetametro.net “Unë nuk kam më jetë, ata më morën të gjithë jetën time”, tha ai për CBS News. Ndërsa, avokati i tij ka deklaruar se MCKinney tashmë ka vuajtur mjaft shumë dhe se më e pakta që ai meriton është një dëmshpërblim për 31 vitet e kaluara pafaj në burg. Gjithashtu, nëse ky dëmshpërblim pranohet ai do ketë poashtu mundësinë që të pastrojë emrin e tij për krimin në fjalë.