Në Nju-Jork sot do të mbahet takimi i Këshillit të Sigurimit të Kombeve të Bashkuara për Kosovën. Në këtë takim, Serbinë do ta përfaqësojë, ministrja e Drejtësisë, Nela Kuburoviq.
Në seancë do të shqyrtohet raporti i rregullt tremujor i sekretarit të përgjithshëm të OKB-së, Antonio Guteresh lidhur me punën e UNMIK-ut dhe gjendjen në Kosovë në periudhën nga 16 janari deri më 15 prill të këtij viti, njoftojnë mediat kosovare. Është planifikuar që seanca të fillojë në orën 10:00 me kohën lokale, ose në orën 16:00 sipas kohës tonë.
Siç raportojnë mediat serbe, Kuburoviq do ta shfaqë mendimin dhe qëndrimin e Serbisë mbi raportin e ri të UNMIK-ut sa i përket gjendjes në Kosovë si dhe qëndrimin e Qeverisë së Serbisë në lidhje me ngjarjet e caktuara politike në mes të Beogradit dhe Prishtinës, transmetojnë mediat kosovare.