Avioni i ri amerikan F-35 ka një kosto që edhe vetë presidenti i ri amerikan, Donald Trump e quan të “çmendur”. Ai është zotuar se do të ulë koston e prodhimit të avionëve për të mbajtur ndërkohë të paprekura vendet e punës. Trump ka rritur kritikat ndaj korporatave amerikane të teknologjisë së prodhimit të avionëve. “F-35 ka një kosto jashtë kontrollit. Miliarda dollarë mund dhe duhet të ruhen për blerje ushtarake dhe të tjera pas 20 janarit”, shkruan Trump në Twitter. Për prodhimin e avionit F-35, janë shpenzuar më shumë 400 miliardë dollarë, duke vendosur rekord në sistemin e armëve të shtrenjta ushtarake në historinë e SHBA-ve. Porositësi i parë i huaj për këto avionë është Izraeli, ndërsa do të prodhohen rreth 50 të tillë. Kompania “Lockheed Martin”, ka të punësuar rreth 130 mijë persona në shtete të ndryshme të SHBA-ve dhe në disa vende të tjera.