Në ditët e para të janarit, të gjithë përpiqen t’i vënë qëllime vetes. Disa duan të lënë duhani, disa të tjerë alkoolin disa duan të bien nga pesha etj. Një shembull frymëzues është një i ri që hoqi dorë nga alkooli dhe kafja për dy vite. Tobias Van Schneider tregon se nga kjo ka fituar trupi i tij por edhe portofoli. Ai jeton në Nju-Jork dhe thotë se heqja dorë nga këto dy vese i ka kursyer 1 mijë dollarë në muaj. Cilësia e gjumit i është përmirësuar si dhe ka më pak stres. “Fle më mirë dhe zgjohem me më shumë energji”, tregon ai duke shtuar se heqja dorë nga kafja e ka bërë që të ndihet më i çlodhur.