Ferrari ka nxjerrë për shitje modelin LaFerrari Spider. Por edhe nëse jeni shumë i pasur, sërish nuk do keni mundësi ta blini, pasi do u shitet vetëm klientëve të veçantë të kompanisë Ferrari. Diçka e tillë ka irrituar biznesmenin amerikan, Preston Henn. Ai ka paditur kompaninë për dëmtim të imazhit të tij si biznesmen pasi Ferrari refuzoi t’ia shesë makinën. Lajmi ka marrë dhenë dhe shumë media theksojnë se Ferrari nuk është e para kompani që përzgjedh klientët. Shembullin më flagrant e ka dhënë i famshmi Ettore Bugatti, kur refuzoi t’i shesë Mbretit Zog të Shqipërisë një Bugatti Royale. Arsyeja? “Sjellja e këtij njeriu në tavolinë është e pabesueshme”. Bugatti Royale është makina më e shtrenjtë në botë.
Ferrari, Bugatti dhe një refuzim për Mbretin Zog (Foto)
Leave a comment