Vetëm pak minuta pas përfundimit të çerekfinales mes Chelsea dhe Manchester United, e mbyllur me triumfin e bluve të Londrës me rezultatin minimal 1-0, falë golit të Kante, Federata Angleze e Futbollit ka përcaktuar shortin e turit gjysmëfinal të FA Cup. Kështu tashmë janë zyrtarizuar dy çiftet që do të diskutojnë trofeun e dytë më të rëndësishëm në Angli, me Chelsean që do të përballet me Tottenham në një derbi londinez.
Gjysmëfinalja tjetër do të shohë të përballen mes tyre Arsenal dhe Manchester City. Një tur gjysëmfinal ky që sheh të përballen mes tyre në garën për trofeun e FA Cup katër nga gjashtë ekipet që kryesojnë klasifikimin në Premier League. Ndeshjet gjysmëfinale do të zhvillohet në datat 22 dhe 23 prill, sikurse u përcaktua në shortin e hedhur mbrëmjen e të hënës, ndërsa finalja e FA Cup do të diskutohet të shtunën, më datë 27 maj.