Shqipëria ka pësuar humbje (2-1) edhe nga Bosnje e Hercegovina në ndeshjen miqësore të zhvilluar në Elbasan Arena. Shqipëria e nisi keq ndeshjen. Fillimisht ishte Thomas Strakosha që gaboi duke mos mundur ta largojë topin e Edon Dzeko gjuan, por Elseid Hysaj largon nga zona. Por në të njëjtin aksion topi vije te Vranjes, i cili pengohet në zonë nga Aliji dhe gjyqtari tregon në pikën e bardhë. Nga penalltia i saktë ishte Edin Dzeko që zhbllokoi sfidën në minutën e 7-të. Shqipëria mundohet të kthehet në lojë, por aksionet ishin të dobëta dhe përfundonin zakonisht para mbrojtjes ose në duart e portierit Asmir Begovic. Kur pritej që pjesa e parë të mbyllet me epërsinë e boshnjakëve në skenë del Senad Lulic që kompleton një super aksion të Kenan Kodros në minutën e 43-të.
Pjesa e dytë nisi me disa ndryshime nga De Biasi, por që nuk sollën edhe aq fryte. Ndeshja u hap në minutën e 68-të kur pas një harkimi të bukur të Jamir Hykës me kokë shënoi Bekim Balaj. Pas golit kuqezinjtë u liruan edhe më shumë dhe tentuan barazimin, por që nuk e arritën. Rastin më të mirë e kishte Liridon Latifi që gjuajti me kokë, por Begovic bëri pritje të shkëlqyer.
Kjo ndeshje më shumë u karakterizua me mungesën e tifozëve, që kanë vendosur t’i bojkotojnë ndeshjet shkaku i sjelljes së sigurimit të stadiumit. Në këtë ndeshje ishin të pranishëm “Plisat” e vetmja tifozëri e organizuar.