Zyrtare: Ardian Nuhiu vazhdon bashkëpunimin me Dritën deri në vitin 2025

Drita ka arritur marrëveshje për vazhdimin e bashkëpunimit me trajnerin shkupjan Ardian Nuhiu edhe për tri vite të tjera.

Marrëveshja e rinovuar është nënshkruar sot në prani të Drejtorit Gjeneral të klubit, Feti Murseli.

“Kontributi dhe puna e trajnerit Nuhiu është vlerësuar si tejet e suksesshme dhe FC DRITA beson në vazhdimësinë e këtij rrugëtimi edhe për vitet e ardhshme”.

Advertisements

“Kujtojmë që trajneri, Ardian Nuhiu u bashkua me klubin tonë më 17 shtator, 2018. FC DRITA i dëshiron shumë suksese trajnerit në projektin tonë të përbashkët”, thuhet në njoftimin e klubit.

Nuhiu e ka dërguar tri herë Dritën në garat evropiane, ndërsa ia ka fituar edhe një titull kampioni.