Zvicër, ja qytetet ku njerëzit paguhen më mirë

Punonjësit në kryeqytetin zviceran janë me fat, të paktën kur është fjala për pagesat. Në asnjë qytet tjetër punëtorët nuk janë të kënaqur me llogarinë e tyre bankare në fund të muajit më shumë se sa në Bernë. Kështu tregon një studim i ri i platformës Kununu, citon “Blick”. 8842 persona kanë treguar se sa janë të kënaqur me pagat e tyre. Janë marrë parasysh gjashtë qytetet më të mëdha në pjesën gjermanofolëse në Zvicër,  shkruan albinfo.ch. Berna është në krye, ndërsa autorët e studimit e shpjegojnë me faktin se ka shumë kompani nga mbarë vendi, si SBB, Posta apo Swisscom që i kanë selitë e tyre në kryeqytet. Përveç kësaj, Berna është qendra administrative e Zvicrës. Pas Bernës vjen St. Gallen (3.67 pikë), Luzern (3.52), Cyrih dhe Winterthur (për 3.42). Në fund vjen Bazeli (3.40). Një shpjegim i detajuar i rezultateve nuk është dhënë në analizën e Kununu-s. Platforma ka vlerësuar jo vetëm pagat, por edhe faktorë të tjerë.