Zbulohet shkaku i atakut kardiak tek të rinjtë

194

Mutacionet gjenetike janë shkaku i fshehur i atakut kardiak të papritur tek të rinjtë në moshë. Deri më sot ka shumë raste të pashpjegueshme infarktesh, pavarësisht se zemra nuk ka paraqitur paraprakisht asnjë lloj problemi në analizat rutinë. Sipas një studimi të Universitetit të Sidneit dhe Spitalit Prince Alfred, nga vëzhgimet dhe statistikat, rezulton se 22% e 36 të mbijetuarve nga një atak zemre kanë rezultuar me një mutacion gjenetik përgjegjës për disfunksionin në zemër, në dukje e shëndetshme.

Në 88% të rasteve mutacionet qëndronin pas gjeneve të lidhur me kardiomiopatinë dhe pa asnjë simptomë të dukshme. Sipas autorëve të studimit, të mbijetuarit e infarkteve dhe familjarët e tyre mund t’i nënshtrohen trajtimeve për parandalimin e problemeve të tilla që potencialisht janë gjithnjë fatale. Ky zbulim është mjaft i rëndësishëm, pasi ekipet mjekësore zakonisht arrijnë në konkluzionin se ka qenë në rast i izoluar dhe trajtimet mjekësore nuk vijojnë, duke ekspozuar në këtë rast pacientin e ri në moshë, ndaj një ataku të dytë, teorikisht fatal. Sipas ekspertëve, testi gjenetik duket i nevojshëm, pasi mund të zbulojë kardiomiopati të fshehura dhe mund të shpëtohen jetë.