Zbulohet diamanti i tretë më i madh në botë

19

Një diamant 1.098 karat i gjetur në Botswana është deklaruar nga kompania e diamanteve “Debswana” si i treti më i madh i llojit të vet në botë.

Guri i zbuluar më 1 qershor është vlerësuar si shumë i rrallë dhe i jashtëzakonshëm.

Lynette Armstrong, drejtoreshë e “Debswanas”, ka thënë se “ky gur ka kuptim të madh për Botswanan”.

Ky diamant i zbuluar është guri më i madh i çmuar që është zbuluar në historinë e kompanisë, shkruan The Guardian.

Diamanti më i madh i njohur është “Cullinan” me 3.106 karatë, i gjetur në Afrikën e Jugut më 1905.

Guri i dytë më i madh me 1.109 karat është “Lesedi La Rona”, i zbuluar në verilindje të Botswanas më 2015.