Shkup, 15 nëntor – Maqedonia e Veriut dhe vendet e Ballkanit Perëndimor kanë vetëm një rrugë – rrugën drejtë BE-së. Integrimi i vendit dhe rajonit filloi në Selanik, me rezolutën nga Samiti i BE-së në këtë qytet në vitin 2003. Bullgaria dhe Rumania ishin vendet e para në Ballkan që i realizuan përcaktimet e këtij samiti. Tani është koha për t’u bërë një hap më shumë që Maqedonia e Veriut dhe vendet tjera t’i bashkangjiten familjes evropiane, tha kryetari i Qeverisë të Republikës së Maqedonisë të Veriut Zoran Zaev në Samitin në Selanik në panel diskutimin “EJL Evropa: Avancimi i bashkëpunimit rajonal dhe reformat”, raporton KOHA.
Në panelin, në të cilin morën pjesën të gjithë pjesëmarrësit në Samitin e sivjetmë në Selanik folën edhe kryeministrat i Greqisë dhe Bullgarisë Kiriakos Micotakis dhe Bojko Borisov.
Kryeministri Zaev gjatë fjalimit të tij potencoi se Maqedonia e Veriut në tre vitet e fundit ka bërë shumë në planin vendor dhe plan ndërkombëtar. Si një prej prioriteteve kryesore të Qeverisë të Maqedonisë së Veriut ai veçoi zgjidhjen e kontesteve bilaterale me Bullgarinë në vitin 2017 dhe me Greqinë në vitin 2018, dhe se vendi tashmë nuk ka probleme të hapura me fqinjët dhe kjo e bënë të vetmen në rajonin e Ballkanit Perëndimor nga kjo perspektivë.
Marrëveshja e Prespës, tha ai, është shembulli më i mirë për sukses të diplomacisë dhe dialogut. Potencoi se me të i jepet fundit kontestit të gjatë dhe të vështirë, i cili ishte i hapur tre dekada.
“Marrëveshja e Prespës është zgjidhje e denjë dhe e pranueshme për të dy palët. Ai bazohet në kompromis që ndërton miqësi. Kompromis që është i mirë për të dy palët. Arritja jonë i inkurajon drejtuesit të tjerët në rajon t’i përkushtohen paqes dhe stabilitetit, ta rrisin bashkëpunimin rajonal, ta përforcojnë zhvillimin ekonomik dhe t’i përkushtohen tërësisht integrimit në BE. Mbartë bota na vlerësoi për zgjidhjen e problemeve dhe tani është koha t’u japim shembull të bëjmë një hapë para dhe ta realizojmë shpresën që u hap në Selanik në vitin 2003”, theksoi kryeministri Zaev.
Ai potencoi se Maqedonia e Veriut i ka përmbushur detyrat e saj që t’i realizojë kushtet për fillimin e negociatave me BE-në dhe vlerësoi se vendimi i BE-së për të mos rënë dakord për këtë çështje ishte gabim historik dhe kishte efekte negative si dhe dërgoi mesazh negativ për të tjerët në rajon të cilët motivimin e gjejnë në reforma demokratike për integrim në BE.
“Megjithatë, ne nuk do të ulemi dhe vetëm të presim. Vazhdojmë me evropianizimin e shoqërisë sonë dhe do t’i përforcojmë dhe zbatojmë reformat tona. Ne jemi të vendosur në luftën kundër krimit të organizuar dhe korrupsionin, nuk do të heqim dorë dhe tashmë kemi rezultate të konsiderueshme. Kjo është arsyeja pse ne jemi të përkushtuar të shkojmë drejt BE-së dhe NATO-s. Është mirë për ne, mirë për rajonin, dhe gjithashtu për vetë BE-në dhe NATO-n. Kjo është strategji e mirë për të gjithë”, tha kryeministri Zaev.
Ai theksoi se e ardhmja euroatlantike e vendit është shtysë për zhvillimin ekonomik: stimul për investime, tregti më të madhe, qasje në tregun e vetëm të BE-së, rritjen e qarkullimit të njerëzve, mallrave dhe kapitalit, norma më të ulëta të interesit, dhe ndihmon në krijimin e më shumë vendeve të punës dhe më mirë të paguara.
Shtoi se këtë vit shteti ka ndihmuar me 50 milionë euro, ndërsa për të ardhmen në Buxhet kemi më shumë për mbështetje në këtë drejtim.
Zaev potencoi edhe se të gjitha vendet e Ballkanit Perëndimor i ndajnë vlerat evropiane dhe vazhdojnë të implementojnë standarde evropiane në shoqëritë e tyre. (koha.mk)