Zaev: Kam qëndrim pozitiv për platformën shqiptare

Kryetari i LSDM-së, Zoran Zaev pas takimit me komesarin për zgjerim Johannes Hahn deklaroi se, Hahn ka kërkuar që sa më shpejtë të formohet Qeveria. Ai për platformën shqiptare tha se ka qëndrim pozitiv, por atë përfundimtar do ta bëj publik kur ta fitojë mandatin. Zaev tha se deri tani Ali Ahmeti, nuk i ka kërkuar materiale me shkrim, gjegjësisht dokument të nënshkruar për pranimin e platformës, por nëse e kërkon një gjë të tillë Zaev tha se do ta bëjë. Zaev u shpreh i gatshëm të bisedojë me të gjithë partitë shqiptare, pasi ta marrë mandatin. Ndërsa në pyetjen për deklaratat e Thaçit, ai tha se” është e qartë se Menduh Thaçi nuk ka qenë në shtet dhe nuk ka njohuri se çfarë ndodh këtu.”