Zaev: Ka paralajmërime nga kompani austriake për investime në vend

Shkup, 21 maj Në Austri dje janë paralajmëruar të paktën dy investime në vend, informoi sot kryeministri Zoran Zaev, por ceku se rregulla e investuesve është se derisa ata vet nuk publikojnë, nuk mund të flitet për atë pasi ka procedura të miratimit të vendimeve.

“Jo rastësisht ishim në Austri. Austria është investuesi më i madh në vendin tonë. Paralajmërimet u konfirmuan dje. Besoj se nga vet konferenca në Forumin ekonomik të Vjenës do të nxjerrim motivim shtesë, pasi krijuam mundësi që dikush këtu të fitojë, e ne të punësojmë njerëz, të rritet BPV i ynë dhe ta rrisim eksportin e vendit tonë”, sqaroi Zaev, duke iu përgjigjur pyetjes së gazetarëve pas debatit për projekt tekstin e Strategjisë kombëtare për zhvillim të konceptit për një shoqëri dhe multikulturizëm.