Zaev: Do të ulem me Mickoskin nëse ka nevojë për të miratuar Ligjin për Prokurorinë Publike

Udhëheqësi i LSDM-së Zoran Zaev do të ulej për të diskutuar me liderin e OBRM-PDUKM-së Hristijan Mickoski për Ligjin për Prokurorinë Publike, nëse grupet e punës përafrojnë qëndrimet.

Ai theksoi se të paktën një herë në javë grupet e punës takohen për Kodin Zgjedhorë, ndërsa diskutojnë edhe për Ligjin e Prokurorisë Publike.

“Nëse ka një nevojë, unë do të ulem të bisedoj me Mickoskin, sepse është e rëndësishme për shtetin. Bëhet fjalë për zgjidhje sistemore për të cilën dy të tretat kanë përgjegjësi. Shpresoj nëse jo para, do ta miratojmë pas zgjedhjeve”, tha Zaev.

Sipas drejtuesit të partisë në pushtet, miratimi i këtij ligji u jep argument shtesë anëtarëve të Bashkimit Evropian për vendim pozitiv të Këshillit Evropian.