Zaev dhe Mogerini nga Strasburgu bashkë drejt Shkupit

Shkup, 13 shtator – Kryeministri Zoran Zaev dhe përfaqësuesja e lartë e BE-së për Politikë të Jashtme dhe Siguri, Frederika Mogerini s’bashku janë duke ardhur në Shkup.

Zaev në rrjetin social “Facebook” e publikoi këtë fotografi ku shihet duke udhëtuar me avion bashkë, dhe ka shkruajtur se përfaqësuesja e lartë e BE-së është duke ardhur në Shkup për të dhënë mbështetje të ardhmes Evropiane të Maqedonisë.

“Mikesha jonë Federika do të mbështesë edhe një herë të gjithë qytetarët për udhëtimin tonë të përbashkët drejt familjes evropiane”, ka shkruar Zaev.