Xhoana: I gëzohemi pranimit të Maqedonisë së Veriut si aleati ynë i 30-të

3

Beograd, 28 shkurt I gëzohemi pranimit të Maqedonisë së Veriut si aleati ynë i 30-të. Me padurim e presim procesin final të ratifikimit në Parlamentin kombëtar të njërit nga vendet aleate. Tashmë e kemi përgatitur shtizën dhe me padurim presim ceremoni të mirë për ngritje të flamurit të aleatit tonë të ri, deklaroi Mirçea Xhoana, zëvendëssekretar i përgjithshëm i NATO-s për servisin rumun të Radios Evropa e Lirë (REL).

Siç njoftoi korrespondenti i MIA-s nga Beogradi, Xhoana ka theksuar se “për NATO-n, për BE-në dhe për të gjithë ne, Ballkani Perëndimor edhe më tej mbetet pjesë e rëndësishme e interesave tona të sigurisë”.

“Do të thotë se është e qartë se nën numrin një, aderimi i Maqedonisë së Veriut është arritur përmes politikës së dyerve të hapura – në mënyrë reale dhe kredibile. Nën numrin dy, Ballkani Perëndimor mbetet rajon me interes për bashkësinë euroatlantike, për NATO-n dhe për Bashkimin Evropian, si zëvendës-sekretar i përgjithshëm i NATO-s.

Xhoana shprehu shpresë se “përfundimi i gjeografisë, në masë sa më të madhe të mundshme, në këtë pjesë të rëndësishme të Evropës si pjesë e Ballkanit Perëndimor do të ketë mirë për njerëzit e këtij rajoni”.

“Nuk është kjo vetëm gjeopolitikë, por është edhe çështje e parimit dhe vlerave. Mendoj se Ballkanit Perëndimor me shekuj e ka paguar çmimin e historisë dhe gjeografisë. Tani është koha që të gjithë ne në rajon të kemi dobi përmes paqes, sigurisë dhe prosperitetit, të cilën vetëm NATO dhe BE munden ta ofrojnë. I tillë është rasti me shtetet, të cilat më parë kanë hyrë në NATO dhe në Bashkimin Evropian, siç janë Rumania, Polonia ose vendet tjera dhe mendoj se është koha që Ballkani Perëndimor të ketë dobi përmes paqes, prosperitetit dhe integrimit evropian”, vlerësoi zëvendës-sekretari i përgjithshëm i NATO-s

Në pyetjen nëse shqetëson raporti i afërt i Serbisë me Moskën dhe Pekinin, Xhoana u përgjigj se “me vëmendje përcillet prania edhe ndikimi i lojtarëve tjerë global në rajon, duke përfshirë edhe Serbinë”.

“Tashmë shikojmë se një pjesë e madhe e vendeve ballkanike janë pjesë e strukturave euroatlantike dhe shpresoj se kjo do të ketë ndikim pozitiv edhe mbi Serbinë, të politikës së saj dhe mirëqenies së qytetarëve të saj”, deklaroi Xhoana. 

Comments are closed.