Xhaferi: Vijon periudha për implementimin e ligjeve dhe dialogut politik

Shkup, 18 prill  – Raporti është pozitiv, pa kusht me rekomandim për përcaktimin e datës për fillimin e negociatave për anëtarësim në BE. Kjo është arritje e të gjithëve në Republikën e Maqedonisë, e posaçërisht e qytetarëve të cilët me durim dhanë mbështetje për të gjitha rekomandimet të cilat u ndërmorën nga partitë politike, Kuvendi dhe Qeveria, theksoi kryetari i Parlamentit Talat Xhaferi pas takimit me eurokomsiarin Johanes Han, i cili atij dhe koordinatorëve dhe nënkryetarëve të Kuvendit ua dorëzoi raportin për progresin në vend.

Xhaferi pas takimit theksoi se ky është fillim i mirë për kthimin e agjendës evropiane, por theksoi se në dy deri tre muajt e ardhshëm do të duhet të realizohet zbatim praktik i pakos reformuese dhe deri në Samitin e BE-së në maj në Sofje dhe të ardhshmit në qershor të arrihet deri në përcaktimin e datës për fillimin e negociatave.

Ky është një prej raporteve në të cilat nuk ka vërejtje për Parlamentin, thotë Xhaferi, por orienton në implementimin e ligjeve të miratuara..

“Ajo që na pret tani është procesi Zhan Mone, i cili do të vijojë në Ohër, Na inkurajuan se duhet të vazhdojmë me debat dhe dialog mes partive politike brenda në Kuvend dhe me këtë të tregojmë edhe një herë se i kemi kuptuar të gjitha ato rekomandimet nga e kaluara dhe se dialogu duhet të zhvillohet këtu dhe se mes partie duhet t’i zgjidhim punët”, tha njeriu i parë i Parlamentit.