WhatsApp po sjell veçorinë që e kanë pritur të gjithë

WhatsApp ka prezantuar disa veçori të reja, duke përfshirë aftësinë për të bërë “mute” njerëz të caktuar gjatë telefonatave në grup. Kjo veçori duket e dobishme në situatat kur dikush nuk është i vetëdijshëm se të gjithë të tjerët mund të dëgjojnë se çfarë po ndodh në sfondin e shtëpisë ose zyrës së tyre.

Kompania ka shtuar një baner pop-up që do t’ju njoftojë kur dikush i bashkohet një telefonate në grup. Aplikacionet si Zoom dhe Microsoft Teams lejojnë përdoruesit të heqin zërin e të gjithë pjesëmarrësve por nuk ofrojnë mundësinë që përdoruesit të bllokojnë zërin e një personi specifik gjatë një telefonate.