Pas dy muajsh në Serbi do të mbahen zgjedhjet parlamentare. Ndërkohë tashmë presidenti i Serbisë, Aleksander Vuçiq ka filluar edhe përforcimet për zgjedhjet. Ai ka marrë në partinë e ti, Milena Popovicin, gruan e politikanit të vrarë serb, Oliver Ivanoviq. Lajmin për kalimin zyrtar të Popoviq në “SNS”-në e Vuçiqit e ka bërë të ditur Marko Gjuriq përmes një njoftimi në llogarinë e tij zyrtare në twitter, duke i uruar mirëseardhje asaj. “Sot partia jonë është bërë edhe më e pasur me një person që ka energji dhe këmbëngulje, sakrificë të pa shembulltë për familjen e saj dhe Serbinë”, ka shkruar Gjuriq.