Shkup, 28 shkurt – Nënkryetarja e BDI-së, Teuta Arifi në intervistë për emisionin 360 gradë të Alsat M, ka deklaruar se edhe VMRO-DPMNE e ka pranuar pranuar propozim ligjin për gjuhën shqipe, por marrëveshja nuk ishte arritur për shkak të çështjes së reformave në drejtësi. Sipas Arifit, ajo është çështja kryesore për ndërprerjen disa vjeçare të koalicionit në mes këtyre dy partive. “Çështja e gjuhës nuk ishte problem për mos arritjen e marrëveshjes për koalicionim me VMRO-në, ashtu siç nuk kishte problem për të arritur marrëveshje dhe për të tejkaluar me LSDM-në. Mendoj se problem ishin çështje tjera të cilat ishin të lidhura me reformat në vend dhe reformat në drejtësi”, ka thënë Arifi.