Vitamina D ndikon në jetëgjatësinë e pacientëve me kancer

Nëse Vitamina D merret për të paktën 3 vjet, mund të ndihmojë pacientët që kanë kancer të jetojnë më gjatë. Ky zbulim është bërë nga doktorët e Universitetit Michigan. Në SHBA, kanceri është shkaktari i dytë më i zakonshëm i vdekjes, sipas Qendrave për Kontroll dhe Parandalim të Sëmundjeve.

“Vitamina D ka efekt të rëndësishëm në zvogëlimin e rrezikut të vdekjes mes atyre që janë të diagnostikuar me kancer, por faktikisht nuk ka treguar ndonjë dëshmi se mund të na ndihmojë ta parandalojmë kancerin”, ka treguar Tarek Haykal, udhëheqësi i këtij studimi.

Megjithëse këto zbulime premtojnë shumë, Haykal ka theksuar se sasia e saktë e vitaminës që duhet përdorur dhe se çfarë nivele nevojiten në gjak është ende e panjohur. Ai gjithashtu ka thënë se është e paqartë se sa e rrit jetëgjatësinë vitamina D.