Veterania e UÇK-së tregon se si serbët pasi dhunuan një grua, detyruan vëllain e saj që të kryejë përdhunim mbi të

108

Veterania e Ushtrisë Çlirimtare të Kosovës, Shkëndije Hoda ka rrëfyer sonte një nga rastet më të rënda të përdhunimeve që ndodhën gjatë kohës së luftës në Kosovë.

Hoda tregoi se si në një rast serbët pos që e dhunuan një grua, e detyruan edhe vëllain që të kryejë përdhunim mbi motrën.

“E kemi një rast që nuk po mundemi me bindë familjen. Pos që e kanë dhunuar një grua. Forcat serbe e kanë detyruar edhe vëllanë që të kryejë përdhunim mbi motrën. Ata ende nuk guxojnë të shohin njëri-tjetrin”, tha ajo në Dukagjin.

Ajo tha se sa herë që vëllai vie në pushim në Kosovë, motra shkon diku tjetër largohet nga shtëpia.

“Është e pamundur t’i pajtojmë, i kuptojmë edhe ne që gjendja e tyre është shumë e vështirë”, shtoi ajo.

Ndryshe mbi 20 mijë gra janë dhunuar gjatë luftës në Kosovë, teksa drejtësia ende nuk është vënë në vend.

Comments are closed.