Veseli për Kurtin: Për herë të parë një Kryeministër i Kosovës doli kundër NATO-s

3

Lideri i opozitës, Kadri Veseli, ka thënë se është shqetësues fakti që për herë të parë një kryeministër i Kosovës, i cilëson marrëveshjet me NATO-n në kundërshtim me interesat e Kosovës.

Ja shkrimi i plotë i tij:

Është shqetësues fakti që për herë të parë një Kryeministër i Kosovës i cilëson marrëveshjet me NATO-n në kundërshtim me interesat e Kosovës.

Gjatë luftës sonë çlirimtare, kam qenë vetë dëshmitar i veprimeve të kësaj Aleance, të prirë nga Shtetet e Bashkuara të Amerikës, bashkë me ne, në interes të Kosovës, çlirimit të vendit tonë dhe kthimit të qindra mijëra qytetarëve të Kosovës në shtëpitë e tyre.

Qëllimi ynë është anëtarësimi në NATO dhe jo largimi i tyre nga cilido cep i Kosovës.

Sot, sovraniteti i Kosovës nuk rrezikohet nga NATO dhe marrëveshjet me NATO-n, por nga agresiviteti dhe kërcënimet e Serbisë.

NATO është garanci e sovranitetit dhe integritetit të Kosovës.

Comments are closed.