Vazhdohet afati i paraqitjes së gazetarëve dhe punonjësve mediatik për vaksinim kundër Kovid-19

29

(MIA) – Afati i aplikimit për fazën e dytë të vaksinimit kundër Kovid-19 për gazetarët dhe punonjësit e mediave është vazhduar deri më 23 prill (e premte), njoftojnë nga Sindikata e Pavarur e Gazetarëve dhe Punonjësve Mediatik (SPGPM) dhe Shoqata e Gazetarëve të Maqedonisë (SHGM).

“Nuk ka kufizime në këtë thirrje dhe të gjithë gazetarët dhe punonjësit e mediave që kanë një angazhim aktiv në lidhje me një media, si dhe gazetarë të pavarur dhe punonjës të mediave mund të aplikojnë. Imunizimi në bashkëpunim me Ministrinë e Shëndetësisë pritet të organizohet së shpejti, për të cilën i raportuari do të njoftohet në kohën e duhur, si për datat ashtu edhe për vendndodhjen”, thonë nga atje.

Personat që janë paraqitur në thirrjen e parë dhe që nuk i plotësuan kërkesat për fazën e parë të vaksinimit, shtohen në listën për raundin e dytë të vaksinimit.

SPGM dhe SHGM u kërkojnë aplikantëve të kontrollojnë saktësinë e informacionit të kontaktit (e-mail) që ata u kanë dorëzuar dhe nëse shohin gabime të caktuara t’i raportojnë ato sa më shpejt që të jetë e mundur në mënyrë që, siç thonë ata, “të mos ketë keqkuptime gjatë terminëve”.

Mënyra e paraqitjes është identike si edhe për fazën e parë e cila do të shkojë përmes redaksive që duhet të dorëzojnë listë në postën elektronike: [email protected] me dërgimin e formularit të plotësuar që mund të zbritni këtu. Do të pranohen vetëm fletëparaqitjet që dërgohen vetëm në këtë formular ku duhet të shënohet personi përgjegjës për kontakt i redaksisë. Afati i paraqitjes së formularit është 21 prill (e mërkurë) deri në orën 24, theksojnë nga SPGM dhe SHGM.