Valverde: Fati nuk është normal

Trajneri i Barcelonës, Ernesto Valverde, e ka lartësuar Ansu Fatin pas paraqitjes së tij në fitoren e Barçës kundër Valencias, duke thënë se ajo çfarë po bën 16-vjeçari nuk është normale. Fati shënoi gol dhe dhuroi asist në fitoren 5:2 të Barcelonës kundër Valencias në La Liga të shtunën në mbrëmje, transmeton Gazeta Express, përcjellë gazeta Koha.

Valverde e ka cilësuar si anormale paraqitjen e adoleshentit, duke qenë se pothuajse asnjë lojtar kaq i ri në moshë nuk është paraqitur për klubin katalonas në mënyrë kaq efektive.

“Ai është i përqendruar dhe shumë i mirë. Nuk është normale të shënosh në prekjen e parë, të asistosh me prekjen e dytë të topit dhe gati të shënosh me prekjen e tretë”, tha Valverde.

Fati, bashkë me Carles Perez, janë dy produkte të akademisë La Masia që patën mundësinë të luajnë në ekipin e parë të Barçës pas problemeve të klubit me lëndime.