Ushqimet që meshkujt duhet të hanë çdo ditë

Ushqimi është një proces sa i nevojshëm aq edhe i kënaqshëm për çdo njeri.

Me anë të këtij procesi ne përveç shijes së mirë që përfitojmë, marrim edhe shumë vitamina dhe minerale që na duhen.

Megjithëse të gjithë njerëzit duhet të ushqehen shëndetshëm dhe me kujdes, ndër vitaminat më të mira për burrat ekspertët i specifikojnë në disa ushqime të veçanta.

Sipas ekspertëve 9 nga 10 burra në botë nuk marrin dozën e duhur të perimeve në një ditë.

Në vijim po ju sjellim një listë të ushqimeve të cilat ndihmojnë shëndetin e mirë tek burrat në çdo moshë.

Spinaqi

Një dietë e shëndetshme përfshin të paktën 5 perime të freskëta në ditë. Në shumicën e ditëve rekomandohet konsumimi i perimeve jeshile si spinaqi, lakrat apo sallatat e ndryshme. Spinaqi përmban oksid natriumi i cili ndihmon në qarkullimin e mirë të gjakut.

Bajamet

Bajamet janë një burim i mirë magnezi, i cili ndihmon edhe në rritjen e hormonit të testosteronit tek burrat. Gjithashtu bajamet ndihmojnë edhe në mbajtjen e formimin e mirë të muskujve. Ndihmojnë në funksionin e mirë të nervave, zemrës dhe enëve të gjakut.

Kosi

Njësoj si gratë edhe burrat janë të rrezikuar nga sëmundje të kockave si osteoporoza. Ndaj konsumimi i kosit apo qumështit për të ndihmuar shëndetin e kockave është shumë e rëndësishme. Mjaftojnë jo më shumë se 80 gramë në ditë për një trup të shëndetshëm dhe pa probleme.

Domatet

Domatet janë të pasura me liktopene që janë ndër antioksidantët më të mirë për shëndetin e organizmit. Këto antioksidantë sipas mjekëve kanë treguar se i mbrojnë meshkuj nga sëmundje të prostatës.

Patatet

Karbohidratet që përmbajnë patatet janë shumë të vlefshme për shëndetin e mirë të burrave teksa mosha kalon. Ideja e të hequrit tërësisht nga dieta e përditshme e tyre në mënyrë që të dobësoheni është e gabuar. Konsumoni shumë patate të ziera apo të furrës në mënyrë që të përfitoni karbohidrate të shëndetshme. Të pasura me kalium më shumë se bananet dhe me vitaminë C, patatet janë një burim i shkëlqyer energjish.

Shalqiri

Njëjtë si domatet edhe shalqiri përmban liktopene që parandalojnë sëmundjet apo kancerin e prostatës. Konsiderohet si një super-ushqim nga mjekët pasi përmban edhe shumë ujë që nxjerr toksinat nga organizmi./agroweb