Zyra e UNMIK-ut në Kosovë, përmes një reagimi për media i ka quajtur të papranueshme zhvillimet e sotme në veri të vendit.
“U bëj thirrje autoriteteve të Beogradit dhe Prishtinës të veprojnë me vullnet të mirë, për të shmangur provokimin dhe për të ndërmarrë hapat e nevojshëm për të ruajtur paqen dhe sigurinë njerëzore”, ka thënë Zahir Tanin, shef i këtij misioni.
“Për më tepër, është thelbësore për të gjithë që të shmangin çdo retorikë ose masa që mund të përshkallëzojnë situatën. Dialogu është i vetmi mekanizëm për të adresuar dhe për të zgjidhur dallimet”, ka thënë më tej ai.