Manchester United ka fituar garën për sensacionin norvegjez Erling Haaland. Sulmuesi i talentuar norvegjez pritej që t’i bashkohej Dortmundit, por në fund gjërat kanë ndryshuar. United ka përdorur trajnerin Ole Gunnar Solskjaer për ta bindur bashkëkombësin e tij të transferohet në Old Traford. Mediat angleze raportojnë se menaxheri i lojtarit Mino Raiola ka udhëtuar drejt Anglisë për të diskutuar për kontratën e lojtarit.
Në anën tjetër Djajtë e Kuq do të duhet të paguajnë klauzolën e lojtarit e cila është vetëm 20 milionë euro. 19-vjeçari ka shpërthyer këtë edicion ku në 22 ndeshje në të gjitha garat ka shënuar 26 gola e ka dhuruar shtatë asistime. RB Leipzig, Dortmund, Juventus, Napoli, Bayern Munich, Bayer Leverkusen, Tottenham e PSG ishin skuadrat e interesuara për reprezentuesin norvegjez.
Por lidhja e tij me trajnerin Ole Gunnar Solskjaer ka bërë që Haaland të zgjedh Unitedin dhe të bashkohet me trajnerin me të cilin punuan së bashku edhe në Molde.
