Policia zvicerane njoftoi sot se kishte ndaluar për arsye sigurie një veturë me targa suedeze, pasi mbi karrocerinë e saj gjendeshin 1.6 ton borë.
Policia e kantonit të Solerit deklaroi se kishte ndaluar sot pas mesditës veturën që po i drejtohej Zyrihut.
“Pas kontrollit, pamë që mbi karrocerinë e veturës ndodhej një shtresë bore prej 40 centimetrash dhe, sipas përllogaritjeve, pesha e saj ishte të paktën 1 600 kilogramë”, tha policia në një komunikatë, transmeton atsh.
”Të ecësh me këtë peshë mbi karroceri përbën një rrezik të madh, pasi bora mund të binte mbi asfaltin e autostradës”, shtoi ajo.
Pas mbajtjes së një proceverbali, drejtuesi i veturës u detyrua të hiqte borën dhe pastaj u la i lirë për të vazhduar rrugën.