Derisa Romelu Lukaku ishte duke u larguar nga “San Siro” pas ndeshjes së mbrëmshme mes Interit dhe Slavia Pragës në Ligën e Kampionëve, disa tifozë ishin duke e pritur sulmuesin për autografe, transmeton zeri.info, përcjellë gazeta Koha.
Një tifoz i kërkon një autograf sulmuesit belg, i cili ndalon t’ia japë, por më pas refuzon dhe largohet. Arsyeja pse ai e bëri këtë ishte me të vërtetë e veçantë, pasi tifozi e kërkoi autografin në kanaçen e birrës.
26-vjeçari refuzoi ta jepte autografin në kanaçen e birrës, për shkak se ai nuk e konsumon alkoolin. Lukaku është një besimtar i devotshëm dhe pikërisht kjo ishte arsyeja që Lukaku nuk pranoi të jepte një autograf aty.
Megjithatë kjo nuk u mor aspak keq nga të pranishmit aty, të cilët e kaluan këtë episod me të qeshur.
🎥 #InterSlavia Romelu #Lukaku comunque sorridende uscendo da 'San Siro' nonostante l'1-1 e la prova incolore dei nerazzurri #UCL 📲 @calciomercatoit pic.twitter.com/sYG18he54E
— Giorgio Musso (@GiokerMusso) September 17, 2019