Tifozët e Liverpoolit në delir, kjo video vërteton se van Dijk është më i miri në botë!

Një fitore tepër e rëndësishme ishte ajo e Liverpool ndaj Tottenham dhe ai autogol i nisur nga koka e Salah vlen sa një kampionat i tërë.

Në Angli kanë analizuar lojën që Virgil van Dijk zhvilloi ndaj “Spurs” dhe të gjithë tifozët janë të mendimit se mbrojtësi holandez ishte ai që iu dha tre pikët me golin që shmangu në kundërsulmin e Tottenham, teksa Moussa Sissoko dhe Heung-Min Son dolën të vetëm përballë holandezit 5 minuta para fundit të ndeshjes.

Një kundërsulm vrasës 2 kundër 1, mirëpo mbrojtësi i “Reds” bën lëvizje fantastike duke mbajtur të mbuluar të dy kundërshtarët, duke mos i dhënë hapësirën e duhur për të pasuar tek Son dhe në momentin e gjuajtjes të Sissoko ai është aq afër tij, saqë e detyron të mos lëshojë goditjen më të mirë të mundshme dhe topi shkon mbi kuadrat.