Tetë të arrestuar në Ferizaj për vjedhje të drunjve

Tetë persona janë arrestuar sot pasi janë zënë në flagrancë duke vjedh dru në Jezerc të Ferizajt.

Policia nga ky rajon njofton se arrestimi i tyre është bërë në kuadër të planit operativ “Mbrojtja e pyjeve 2019”, transmeton Klan Kosova.

Përvec të arrestuarve janë konfiskuar edhe katër traktorë dhe katër motoshara.

“Të dyshuarit janë duke u intervistuar dhe pas konsultimit me Prokurorin e Shtetit do të merren masat e duhura ligjore”, thuhet në kumtesë.