Teste të reja për COVID-19 që mund ta zbulojnë koronavirusin dhe gripin për 90 minuta do të përdoren në shtëpi të kujdesit në Britani dhe në laboratorë nga java e ardhshme, shkruan BBC. Testet e strishove dhe ADN-së do të ndihmojnë të bëhet dallimi mes COVID-19 dhe sëmundjeve tjera sezonale, ka thënë Qeveria.
Nga sekretari i Shëndetësisë i Britanisë është thënë se do të jetë shumë në përfitim ky lloj testi gjatë dimrit. Aktualisht, tri të katërtat e rezultateve të testeve vijnë brenda 24 orëve dhe një çerek tjetër duhet deri në dy ditë. Nuk ka aktualisht të dhëna për saktësinë e këtij lloj testi. Janë siguruar me mijëra makina të testimeve të ADN-së, që do të përdoren në tetë spitale në Londër dhe mund të analizojnë strishot e hundës.