Termeti ‘tund’ pjesën veriore të Greqisë dhe atë jugore të vendit tonë
Shkup, 29 korrik – Një tërmet është regjistruar në Greqi ndërsa i njëjti është ndjerë edhe në Gjevgjeli. “Rrjeti sizmologji i Maqedonisë së Veriut, me stacione në Shkup, Vallandovë, Shtip dhe Pehçevë, sot në orën 20 e 33 minuta ka regjistruar një tërmet epiqendra e të cilës është 200 kilometra në juglindje të Shkupit dhe rrjedh nga vendi fqinj i Greqisë. Tërmeti është me magnitudë prej 3.8 shkallë, ndërsa është ndjerë edhe nga popullata në Gjevgjeli dhe rrethinë, me intensitet prej tre shkallë sipas Shkallës Evropiane makrosizmike”, qëndron në komunikatën e Stacionit sizmologjik.