Tetovë, 14 shkurt -Në momente kaq të vështira, kaq tragjike për të gjithë ne, nuk gjej dot fjalët e duhura për të shprehur dhimbjen e madhe pas aksidentit të djeshëm, ku humbën jetën mbi 10 qytetarë dhe disa të tjerë u lënduan, citohet në ngushëllimin e rektorit të Universitetit të Tetovës Vullnet Ameti, njofton Koha.
“Në emër të Universitetit të Tetovës, u shpreh ngushëllimet më të thella familjeve të viktimave, sikundër ju urojmë shërim sa më të shpejtë të lënduarve të këtij aksidenti të dhimbshëm.Solidarizohemi me familjarët që humbën të afërmit e tyre, edhe njëherë ngushëllimet më të sinqerta bashkëkombësve dhe bashkëqytetarëve tanë”, citohet në ngushëllimin e rektorit të UT-së , Vullnet Ameti. (koha.mk)