Tahiri: Vizita e krerëve shtetërorë në SHBA ka rëndësi të madhe strategjike
Ish-kryenegociatorja e Kosovës në bisedimet me Serbinë, Edita Tahiri, e ka vlerësuar lartë takimin e krerëve shtetëror të Kosovës me me Sekretarin e shtetit amerikan Antony Blinken, në Washington.Tahiri ka thënë se aleanca me ShBA-në është jetike për Kosovën dhe si e tillë duhet të ruhet e të zhvillohet vazhdimisht.
“Takimi i lartë në SHBA i delegacionit të Kosovës me Sekretarin e shtetit amerikan Blinken dje në Washington ka rëndësi të madhe strategjike për Kosovën! Aleanca me SHBA-ne është jetike dhe si e tillë duhet të ruhet dhe zhvillohet vazhdimisht!”, ka shkruar Tahiri në Facebook.Ndërkaq, për këtë vizitë, Qeveria e Kosovës ka dhënë detaje, sipas tyre anëtarësimi i Kosovës në Programin Partneriteti për Paqe të NATO-s, rëndësia e dialogut i lehtësuar nga Bashkimi Evropian për normalizimin e marrëdhënieve ndërmjet Kosovës dhe Serbisë dhe rreziqet që i kanosen rajonit të Ballkanit Perëndimor, ishin disa nga temat e diskutuara gjatë takimit midis Sekretarit amerikan të Shtetit, Antony Blinken dhe delegacionit nga Kosova në Washington.
