Subvencione prej 50% të kostos së shpenzimeve për instalimin e pajisjes me gas, por jo më shumë se 300 euro në kundërvlerë denarë për një automjet, ndërsa subvencione parashihen edhe për automjete elektrike dhe hibride. Deri në vitin 2035 është paraparë që të ketë ndryshim në të gjithë mjetet e transportit në vend dhe kryesisht të ketë automjete elektrike ose hibride, përkatësisht 40 për qind e automjeteve të jenë elektrike
Remzije BILALLI
Shkup, 15 nëntor – Me qëllim të përmirësimit të mjedisit dhe transportit të automjeteve të reja në vend, Ministria e Ekonomisë ka përgatitur një propozim që do të jetë pjesë e Ligjit për automjetet, ku parashihet program për subvencionimin e shpenzimeve për instalimin e një pajisje për gas, metan ose alternativa tjera të karburanteve tek automjetet ekzistues, shkruan gazeta KOHA. Programi parasheh subvencione prej 50% të kostos së shpenzimeve për instalimin e pajisjes me gas, por jo më shumë se 300 euro në kundërvlerë denarë për një automjet. Gjatë vitit do të përfshihen 1200 automjete ndërkaq masa do të fillojë nga viti 2019, edhe pse data e saktë nuk është precizuar.
Analizat tregojnë se për dekada me radhë karburant alternativ më popullor për automjetet në tregun e Maqedonisë ka qenë gasi. Aktualisht, çmimi është 35 denarë për litër, që është një avantazh krahasuar me llojet e tjera të karburanteve motorike dhe kjo lejon kthimin e shpejtë të mjeteve të investuara për instalimin e pajisjes për gas.
Më shumë se 400,000 makina në botë, nga të cilat rreth 60% janë makina dizel dhe të tjerët janë benzinë, ndërsa gjysma prej tyre kanë te vendosur pajisje për gas. Kjo tregon se rreth 100,000 makina lëvizin me gas. Sipas Xhulijano Petrov, menaxher i repartit të gasit në Novus, çmimi i këtij lloj të karburantit definitivisht është më i lirë dhe më ekonomik.
“Interesi për të instaluar pajisje me gaz është i madh. Në Novus ata vendosen për një ditë, dhe çdo 15,000 kilometra, ne kryejmë kontrollojmë dhe shërbime – shpjegon Petrov.
Testimi i pajisjes për gas kryhet në Fakultetin e Makinerisë në Shkup, por ka disa stacione për inspektimin teknik dhe regjistrimin e automjeteve që bëjnë testime. Subvencione gjithashtu janë paraparë edhe për automjetet elektrike dhe hibride, si dhe për blerjen e një automjeti të ri nëse ai është vjetruar dhe është jashtë përdorimi. Sipas projekt ligjit, në tre vitet e ardhshme, për këtë qëllim do të shpenzohen 12 milionë euro nga arka e shtetit. Vetëm për 2019, janë paraparë 2.8 milionë euro, për 2020 – 4 milionë euro, dhe për 2021 – 5.2 milion euro. Në Programin për subvencionimin e blerjes së automjeteve elektrike dhe hibride, parashihen subvencione prej 5.000 euro për blerjen e një automjeti elektrik dhe 3.000 euro për automjete hibride. Në gjysmën e parë të vitit 2018, nga 1,755 automjete të reja të shitura, vetëm tre ishin elektromobilë dhe 27 ishin hibridë. Deri në vitin 2035, 40% e automjeteve në Maqedoni do të jenë elektrike.
Qendra Kërkimore për Energji dhe Zhvillim në Akademinë e Shkencave dhe Arteve të Maqedonisë, ka zhvilluar një studim interesant mbi transportin, analiza e politikës dhe masave, e cila parashikon që deri në vitin 2035 në vend, të reduktohen thërrmijat e dioksid karbonit nga transporti për 35%. Për të arritur këtë u propozua reduktim i akcizës dhe TVSH-së për importin e automjeteve hibride nga 18 në 5 për qind dhe pa akcizë për automjetet elektrike, si dhe një barazim gradual të akcizës për naftë dhe benzinë. Nga ana tjetër parashihet rritja e taksës ekologjike për karburante nga 0.08 për litër benzinë, nga çmimi aktual i shitjes dhe 0.3 për qind për naftë. Ky dallim në tarifë ka për qëllim përdorimin e subvencioneve për blerjen e automjeteve hibride dhe elektrike.
Deri në vitin 2035 është paraparë që të ketë ndryshim në të gjithë mjetet e transportit në vend dhe kryesisht të ketë automjete elektrike ose hibride, përkatësisht 40 për qind e automjeteve të jenë elektrike. (koha.mk)