Sony shpik bluzë me kondicioner

20

Me ardhjen e pranverës, kanë ardhur edhe shpikje të reja. A e kishit menduar ndonjëherë që të kishit kondicionerin në veshjen tuaj?! Kompania e njohur, Sony ka zbuluar një produkt të ri për Reon Pocket 2, një “kondicioner portabël” i kontrolluar nga aplikacioni, i cili u lëshua fillimisht vitin e kaluar pasi kompania e financoi atë në platformën e saj.

Reon Pocket 2 duket pak a shumë i njëjtë me modelin origjinal, por elementët e brendshëm të sapo krijuar mund të arrijnë deri në dyfishin e nivelit të thithjes së nxehtësisë, sipas Sony, duke rezultuar në një performancë më të fortë të ftohjes. Sony gjithashtu deklaron se ka përmirësuar mbrojtjen e djersës në Reon Pocket 2, duke e bërë atë më të përshtatshëm për veprimtari fizike.

Modeli i mëparshëm ishte shitur kryesisht si diçka që ishte veshur me një këmishë të posaçme për ta bërë udhëtimin veror më të durueshëm, por këtë herë kompania japoneze thekson përdorimin më të gjithanshëm. Kompania ka bashkëpunuar me markat e veshjeve sportive. Sony ka dizajnuar gjithashtu një aksesor rripi në mënyrë që Reon Pocket të përdoret gjithashtu edhe në veshjet e zakonshme. Reon Pocket 2 po del fillimisht në Japoni për rreth 100 dollarë dhe nuk ka informacion nëse do të shitet në tregje të tjera.