Milot Rashica është duke u monitoruar nga shumë klube të njohura evropiane dhe në verë ndoshta mund të ndodhë që ylli kosovar të kalojë te ndonjë skuadër e madhe. Milot Rashica po kalon një formë fantastike te Werderi dhe është shndërruar në njërin nga lojtarët kyç të skuadrës, shkruan Periskopi, përcjell gazeta Koha. Drejtori sportiv i Werderit, Frank Baumann ka bërë të ditur se për 22 vjeçarin nga Vushtrria po interesohen shumë klube.
“Natyrisht, ka interesime nga klube tjera”, thotë Frank Baumann në pyetjen e “DeichStube” për të ardhmene Rashicës. Kjo është gjë e bukur. Preferoj që top-klubet të interesohen për lojtarët tanë dhe jo që ata të mos interesohen për atë që po ndodhë këtu. Unë nuk i jam i shqetësuar që Miloti mund të ndryshojë ambient në verë. Ka interesime, por jo oferta konkrete dhe Werder Bremen ka plane me Milotin për sezonin e ardhshëm”, deklaroi Baumann.Edhe vetë Miloti është i kënaqur te Werderi, klub me të cilin ka kontratë deri më 2022. “Kontrata ime është e gjatë. Ju nuk duhet të shqetësoheni për këtë. Ndihem sikur të jem në shtëpi në Bremen”. Ndryshe, ëndrra e Rashicës është që një ditë të luajë në Premier Ligë.