SHUKI DERVISHI: Në muzikë kam përfituar vetëm eksperiencë

Është nga Gostivari dhe ka dy vite që ka nisur me muzikë. Shuki Dervishi vjen në një bisedë për Infrared të gazetës KOHA, ndwrsa tregon eksperiencën e shkurtër muzikore. Ndonëse i ri ai do vazhdojë të krijojë projekte të reja…

Bisedoi: Blerand REXHEPI

KOHA: Sa kohë u bënë që je futur botës së muzikës?

Unë në skenën muzikore ka dy vite që jam aktiv.

KOHA: Çfarë ke përfituar dhe çfarë ke humbur nga ky profesion?

Nuk kam humbur ndonjë gjë, thjeshtë kam përfituar eksperiencë në muzikë.

KOHA: Nëse do e ndërroje drejtimin, ku mund të shihnim Shukin?

Mendoj se të kisha nderuar profesion, ndoshta do vazhdoja shkencat islame.

KOHA: Si e sheh ambientin muzikorë tek ne?

Skenën shqiptare e shoh shumë ndryshe edhe pse nuk ka shumë kohë që jam pjesë e saj.

KOHA: Asnjëherë nuk ke qenë pre e thashethemeve?

Nuk kam qenë pjesë e thashethemeve dhe për momentin ndihem shumë mirë.

KOHA: Pajtohesh me atë se vetëm me punë mund të arrihet gjithçka?

Patjetër që pajtohem se pa punë nuk ka asgjë, kurse me punë arrihen të gjitha.

KOHA: Vështirësitë që ke hasur gjatë gjithë karrierës tënde?

Po vështirësi ka, mirëpo jo vështirësi që nuk mund të kalohen.

KOHA: Cilat janë projektet me të cilat do prezantohesh deri në fundvit?

E kam në plan realizimin e pesë këngëve, por pa videoklipe – thjeshtë versionin audio.

KOHA: Ke pasur shumë suksese edhe në bashkëpunime (duete), me cilin këngëtarë do sjellësh bashkëpunimin e radhës?

Duete nuk kam pasur deri më tani e as nuk do kem ndonjë bashkëpunim me asnjë këngëtarë për momentin.