Gjermania rezulton të ketë qytetet me më pak stres në mbarë botën. Ky është përfundimi i një studimi të Forumit Ekonomik Botëror, që e argumenton këtë gjetje me faktin se qytetet gjermane kanë hapësira të mëdha të gjelbra, një trafik shumë pak të ngarkuar, e mbi të gjitha nivele shumë të larta të gjendjes shëndetësore të banorëve. Janë pikërisht 4 qytete gjermane, që renditen në dhjetëshen e atyre më të qeta në botë. Mes tyre, Shtutgarti rezulton të jetë qyteti me më pak stres në planet. Sidnei në Australi është i vetmi qytet joeuropian që përfshihet në “Top 10”, ndërsa klasifikimi vijon me Gracin (Graz) në Austri, Edinburgun në Britaninë e Madhe, Bordonë (Bordeaux) në Francë, Bernën në Zvicër, dhe Luksemburgun.