Shpiket një stimulues kardiak që ushqehet nga rrahjet e zemrës

Eksperimentohet tek derrat stimuluesi kardiak që nuk ka nevojë për bateri të jashtme sepse rimbushet nëpërmjet rrahjeve të zemrës.

Kjo pajisje përshkruhet në revistën shkencore “Nature Communications” dhe është krijuar falë bashkëpunimit mes Institutit të Teknologjisë së Georgias (Geogiatech) të koordinuar nga Zhong Lin Wang dhe Institutit të Nanoenergjisë dhe Nanosistemeve në Pekin pjesë e Akademisë Kineze të Shkencave, të koordinuar nga Zhou Li.

Stimuluesit tradicionalë ushqehen nga bateri të rënda, të forta dhe me jetëgjatësi të dobët.

Sipas autorëve të kërkimit, këto problematike mund të kalohen nga stimuluesi kardiak që rimbushet automatikisht, një lloji pajisjeje e eksperimentuar deri tani mbi modele qelizore apo kafshë të vogla, para se të testohej tek derrat.

“Biokompatibël, fleksibël dhe mekanikisht rezistent, ky stimulues kardiak jo vetëm që është në gjendje të stimulojë aktivitetin e zemrës, por është në gjendje të korrigjojë aritmi të mundshme, duke parandaluar disa anomali që në disa raste mund të sjellin vdekjen”, theksojnë ideatorët e kësaj pajisje.

“Hapi i radhës do të jetë modifikimi i dimensioneve dhe përmirësimi i efikasitetit dhe sigurisë në afat gjatë, që të mund të eksperimentohet edhe tek njerëzit”, përfunduan ata./atsh