Shkup, për dy ditë policia dënoi 216 shoferë

Shkup, 3 shtator – Në rajonin e Qytetit të Shkupit fundjavën e kaluar kanë ndodhur 31 aksidente prej të cilave 13 janë me dëm material, ndërsa një këmbësor është lënduar rëndë.

Siç kumtoi SPB Shkup, janë sanksionuar 216 shoferë, ndërsa nga komunikacioni janë përjashtuar 104. Prej shoferëve të përjashtuar 29 e kanë drejtuar automjetin nën ndikimin e alkoolit, 38 e kanë drejtuar automjetin para se ta fitojnë të drejtën e patentë shoferit, ndërsa 30 shoferë i kanë drejtuar automjetet të paregjistruara.

“Karrotreci” i ka larguar 105 automjete, ndërsa janë dhënë 153 gjoba për parkim jo të drejtë.