Shkëndija zyrtarizon largimin e Hasanit dhe Cuculit

Shkup, 18 qershor – Ferhan Hasani dhe Ardian Cuculi nuk do të jenë më pjesë e KF Shkëndija. Lajmin e ka bërë të ditur faqja zyrtare e klubit “kfshkendija.com”, transmeton gazeta KOHA. “Ferhan Hasani dhe Ardian Cuculi nuk janë më pjesë e Shkëndijës. Të dy futbollistëve u skadoi kontrata më 15 qershor, ndërsa pas bisedimeve me kryesinë është vendosur që bashkëpunimi mos të vazhdohet në të ardhmen. Kështu dy lojtarët tashmë janë larguar nga skuadra dhe si futbollistë të lirë do të kërkojnë angazhimin e radhës. KF Shkëndija me këtë rast falënderon Ferhan Hasanin dhe Ardian Cuculin për kontributin e dhënë gjatë periudhës që ishin pjesë e skuadrës kuqezi, duke u dëshiruar gjithë të mirat në të ardhmen”, thonë nga klubi kuqezi.