Sërish është shtyer seanca për rastin “Mitmarrja”

30

Seanca e sotme për rastin “Mitmarrja”, në të cilin i akuzuar është kryetari i LSDM-së, Zoran Zaev është shtyer për më 27 qershor. Seanca është shtyer me kërkesë të mbrojtjes, sepse, siç cekën, Zaev ka pasur takim  të caktuar me përfaqësues të OSBE-së, për ndodhitë në Kuvend të 27 prillit.

Seanca e parë për rastin “Mitmarrja” ishte caktuar më 25 janar të vitit të kaluar, ndërkaq prej atëherë pati disa shtyerje. Shtyerja e fundit e seancës ishte më 3 prill, pasi që avokatët e mbrojtjes kërkuan që Prokuroria për ndjekje të krimit të organizuar dhe korrupsionit t’u parashtrojë kopje nga dëshmitë për rastin.

Sipas Prokurorisë Publike, Zaev në cilësinë e kryetarit të Strumicës, nga biznesmeni i Strumicës, Ivan Nikollov-Saçevaliev, ka kërkuar mito prej 163.924 euro për tokën ndërtimore në Strumicë. Zaev pohon se tërë kohën ka qenë i vetëdijshëm se Nikollov-Saçevaliev ka tentuar të kurdisë dhe parashtroi padi penale kundër tij.

Comments are closed.