Sipas revistës “Diez Minutos”, Sergio Ramos dhe partnerja e tij, prezantuesja Pilar Rubio, kanë nënshkruar tashmë dokumentet për të blerë një rezidencë, për të cilën ata kanë paguar 4.2 milionë euro, 800.000 euro më pak sesa shuma që pronari ka kërkuar në fillim të bisedimeve. Kjo është një pronë e vendosur në të njëjtën zonë banimi, ku ata jetojnë në Madrid, në zonën ekskluzive “La Moraleja”, por shumë më e gjerë se sa banesa e derisotme. Sergio Ramos dhe Pilar Rubio, të cilët në pranverën e ardhshme do të zgjerojnë familjen me lindjen e fëmijës së tyre të tretë së bashku, do të presin disa muaj për të lëvizur atje me pasardhësit e tyre dhe pesë qentë që kanë.
Rezidenca e re e Sergio Ramos ka një sipërfaqe ndërtimi 1.400 metra katrorë dhe ndodhet një ngastër prej 15.000 metra katrorë, me pishinë dhe kopësht. Sipas të njëjtit publikim, çifti kishte në mendje përmbysjen e ndërtesës, e cila është mjaft e vjetër, dhe përgatitjen e shtëpisë për simpatinë e tyre. “Tani ata do ta reformojnë shtëpinë që po blejnë, një përditësim që do ta rivlerësojë pronën në fjalë deri në 12 milionë euro, nëse në të ardhmen duan ta shesin shtëpinë”, – thonë ata për ” Diez Minutos”. Deri sa të mund të lëvizë në rezidencën e re, familja “Ramos” do të vazhdojë të gëzojë banesën e tanishme në “La Moraleja”, një pronë prej 970 metrash katror ndërtim dhe 2.500 metra katrorë ngastër.