SERENA SULA: Pasarelet, një ëndërr në sirtar për mua (FOTO)

Pjesëmarrëse në shumë spektakle të bukurisë, ndonëse e re – ajo ka fituar vëmendje të jashtëzakonshme në media dhe shtypin rozë. Serena Sula, bukuroshja shqiptare që synon pasarelet e modës vjen në një rrëfim ndryshe për InfraRed të gazetës KOHA duke treguar kështu për të ardhmen e saj në botën e spektaklit. Serena, kjo vajzë që po thyen tabu vjen në këtë bisedë duke treguar gjithçka!

Bisedoi: Blerand REXHEPI

KOHA: Të pëlqen kjo vëmendje mediale apo është krijuar pa dashjen tënde?

Gjithmonë kam ëndërruar të jem në qendër të vëmendjes në media edhe pse jam vetëm 17 vjeçe ja kam arritur.

KOHA: Dhe si e sheh veten Serena në botën e spektaklit, ke marrë ndonjë ofertë pune nga televizionet apo shtëpitë e modës?

Kam shumë pasion botën e spektaklit dhe mendoj se jam e lindur për të, oferta pune nga televizione dhe shtëpitë e modës kam marrë por mendoj të lë surprizë më mirë.

KOHA: Po kush është Serena në fakt, ju nuk është se jeni e panjohur?

Jam 17 vjeçe nga Lezha, si 15 vjeçe kam marrë pjesë në Miss ka qenë një pasion i im që e vogël që të dilja në televizion dhe të bëhesha e famshme, në vitin 2017 kam fituar Miss North Albania, në Miss Freedom of Albania kam fituar çmimin e Miss Fotogjenia dhe isha finaliste, te Miss Adoleshenca kam dalë finaliste po ashtu dhe e fundit që isha më kryesorja dhe më e rëndësishmja pjesëmarrja në Miss Universe Albania 2018, po ashtu kam qenë pjesë e klipeve muzikore si shqiptare dhe te huaja.

KOHA: Na tregoni pak mbi eksperiencën në spektaklin e bukurisë Miss Universe?

Miss Universe Albania është një spektakël që çdo dit sa vjen dhe bëhet më tepër i bukur e madhështorë me një producent aq ambicioz si Eduard Deda, ku tregon bukurinë shqiptare dhe cilësitë e çdo vajze, është një eksperiencë që jo çdo kush mund të përfitojë dhe të përjetojë ka qenë dhe është një ndër spektaklet më të mëdha të bukurisë pse jo mos të jem dhe njëherë një konkurrente e fuqishme e këtij eventi.

KOHA: Ke synim pasarelet e bukurisë, do vazhdosh me modelizëm?

Pasarelet e bukurisë janë një ëndërr në sirtar për mua si Serenë, shpresoj që jo vetëm në Shqipëri dhe jashtë vendit të kem suksese në të ardhmen sepse mendoj që i përmbush të gjitha parametrat e një modele tipike të bukur brune si nga tiparet origjinale të fytyrës dhe trupit po ashtu, por synim imi është më i madh që të bëj bujë me bukurinë time në vend.

KOHA: Çfarë tjetër merret Serena?

Krahas asaj që folëm më lartë, më pëlqen shumë gjuha angleze, notoj shumë mirë për një femër dhe jam e pasionuar pas muzikës dhe kërcimit, pjesën më të madhe e kaloj duke kërcyer dhe palestër ndërsa primare e kam shkollën patjetër.

NJIHUNI NDRYSHE ME SERENËN:

KOHA: Koha që kalon në shtrat…

Në fakt unë flej tepër jam gjumashe por më pëlqen mëngjesi shumë, urrejtja më e madhe është që të më zgjojnë herët e tani që është verë dhe nata na kalon jashtë nëpër party ndërsa nuk flemë mjaftueshëm.

KOHA: Gjatë kësaj kohe që je në shtrat, sa orë i kalon në gjumë? Preferon të flesh me pizhame, të brendshme, apo…?

Gjatë kësaj kohe që jam në shtrat nuk e di mirë sa orë kaloj në gjumë por preferoj shumë të flejë, jam ose me të brendshme sexy se ku i dihet e takoj në ëndërr (qesh).

KOHA: Çfarë bën tjetër në shtrat: ha, lexon, sheh Tv apo…?

Kur jam me shoqe kur jam me shoqe më tepër në telefon duke bërë foto e video (qesh).

KOHA: Çfarë është shtrati për ty, një përkufizim?

Vendi ku përjetoj kënaqësitë më të mëdha.

KOHA: Çfarë pozicioni preferon zakonisht për të fjetur?

Pozicione të ndryshme që të ndihem sa më rehat.

KOHA: Të qëllon që kur je me dikë në shtrat të flisni? Përse bisedoni zakonisht? Preferon të mbulohesh pak apo shumë?

Po më ka qëlluar shumë herë që të jem me dikë në shtrat dhe të flas, ka raste biseda pune apo probleme të ditës varet si bie biseda, kur është ftohtë normal që mbulohem, por më mirë pak…

KOHA: Kur shkon zakonisht për të fjetur, çfarë bën përpara se të shtrihesh?

Bëj dush dhe vë një maskë për fytyrë.