Sipas të dhënave zyrtare të EUROSTAT-it, në vendet jo anëtarë të Bashkimit Europian, Shqipëria e ka raportin e varësisë së plakjes 19.1 %. Serbia kryeson këtë listë më një përqindje më të lartë, prej përkatësisht 29.2 %, e ndjekur nga Mali i Zi me 21.4 %. Me një përqindje më të ulët shfaqet Maqedonia, me 18.9 %
Evis HALILI
Shkup, 10 maj – Pothuajse një në pesë persona në Bashkimin Evropian (BE) është 65 vjeç ose mbi këtë moshë. Sipas statistikave të bëra publike nga EUROSTAT-i, rreth 19.4% e një popullsie prej gati 100 milionë banorësh janë 65 vjeç ose më shumë, shkruan gazeta KOHA. Raporti i varësisë së plakjes tradicionalisht shihet si një tregues i nivelit të mbështetjes në dispozicion të personave të moshuar (të moshave 65 vjeç e lart) nga popullata në moshë pune (të moshës 15 deri në 64 vjeç).
Në BE, raporti i varësisë së plakjes ishte 29.9% në vitin 2017. Sipas studimit, për çdo person të moshës 65 vjeç e lart kishin pak më shumë se tre persona në moshë pune. Raporti i varësisë së plakjes së BE-së është rritur për një kohë të gjatë. Njëzet vjet më parë, kishte rreth pesë persona në moshë pune, për çdo person të moshës 65 vjeç e lart. Dhjetë vjet më vonë, raporti ishte 4:1 dhe sot është afërsisht 3:1.
Sipas të dhënave zyrtare të EUROSTAT-it, edhe për vendet jo anëtarë të Bashkimit Europian, Shqipëria e ka raportin e varësisë së plakjes 19.1 %. Krahasuar me rajonin, Serbia kryeson këtë listë më një përqindje më të lartë, prej përkatësisht 29.2 %, e ndjekur nga Mali i Zi me 21.4 %, më pas vendi Shqipëria. Me një përqindje më të ulët shfaqet Maqedonia, me 18.9 %.
Në vitin 2017, në vendet anëtare të BE-së, raporti i varësisë së plakjes ishte më i lartë në Itali (34.8%), Greqi (33.6%) dhe Finlandë (33.2%), pasuar nga Portugalia (32.5%) dhe Gjermania (32.4%). Në anën tjetër, raportet më të ulëta janë regjistruar në Luksemburg (20.5%) dhe Irlandë (20.7%), përpara Sllovakisë (21.5%) dhe Qipros (22.8%). Në këto Shtete Anëtare, kishte rreth pesë persona të moshës së punës për çdo person të moshuar. Shifrat tregojnë se ky raport është në rritje në të gjitha shtetet anëtare të BE-së, përveç Luksemburgut.
Gjatë dy dekadave të fundit, raporti i varësisë së plakjes është rritur në të gjitha shtetet anëtare të BE-së, me përjashtim të Luksemburgut, ku ajo ka rënë nga 21.2% në 1997 në 20.5% në 2017 (-0.7 pikë përqindje). Rritjet më të mëdha midis viteve 1997 dhe 2017 u regjistruan në Finlandë (nga 21.7% në 33.2% ose + 11.5 pikë përqindjeje), Malta (+10.7 pikë përqindjeje), Sllovenia (+10.1 pikë përqindjeje), Lituania dhe Portugalia (të dyja 9.8 pikë përqindjeje), Italia (+9.6 pikë përqindje), Gjermania dhe Letonia (të dyja +9.4). Në të kundërt, rritjet ishin më të moderuara në Irlandë (nga 17.4% në 1997 në 20.7% në 2017, ose +3.3), Mbretëria e Bashkuar (+ 3.7), Belgjika (+ 3.9) dhe Suedia (+4.2).
Sipas metodologjisë së EUROSTAT-it, Raporti i varësisë së moshës së vjetër (plakjes) është raporti i numrit të personave të moshuar në një moshë kur ata janë në përgjithësi ekonomikisht joaktive (pra 65 vjeç e lart), në krahasim me numrin e njerëzve të moshës së punës (p.sh. 15-64 vjeç). (koha.mk)